في غربتي مريت الاغراب نشـاد

في غربتي مريت الاغراب نشـاد
غريب أدوّر عن غريـبن يبينـي

غربة حياتي مالهـا حـد وابعـاد
ياكيف ياطـول غربـة سنينـي

في غربتي حطمت أنا الشوق بعناد
ماودي أرجـع للهوى سامحينـي

أحرق بقايا رغبتي صمت واجهاد
يمكن يموت اللي بقى من حنينـي

أقفت الدنيا علـى رؤس الاشهـاد
أقفت وضاع اكتافها مـن يدينـي

أبني بروحي للامل بيـت وابـلاد
واسكن خيالً بالوهـم مكتسينـي

وأفرح ابلا فرحه لو الليل ميـلاد
والقى الهنا به والفرح يحترينـي

وابكي ابلا دمعه لو أعيادي أعياد
ماكان حـال المغتـرب مبتلينـي

ياما أنتظرتك طيف لي فيه ميعـاد
لامرنـي كـن الامـل ملتقيـنـي

وياما ذكرتك حلم لي فيـه مبعـاد
عن وحدةٍ فيها الالـم محتوينـي

حبيبتي لو كان منك الوعـد جـاد
قبل الممات أفـراق وتواعدينـي

ماكان أنا مريت الاغـراب نشـاد
غريب أدوّر عن غريـبًا يبينـي

احترامي للجميع

وهج الليل

مشكورة وهج على الطرح الرائع ومنتي غريبة انتي بين أهلك وأصدقائك

مشكوووووووووووووووووووووووووووووووره وهج الله يعطيك العافيه

اللة يعافيكم